Monday, June 6, 2011

လွမ်းလို့

Posted by လွတ်ငြိမ်းလေပြေ (breeze) at 11:06 PM 3 comments

လွမ်းလို့
----------
စပယ်ဖူးဖူး
ပန်းခူးသီသီ
မွှေးရီချိုမြ
ပန်းကုံးလှကို
ဘုရားရှင်ထံ
ကပ်လှူပြန်လည်း
တစ်ခုတည်းသာ
တောင်းဆုဖြာခဲ့
အရိပ်မျှလျှင်
မြင်ချင်သည်လေ...


photo source

စိတ်ကူးယဉ်ပြီး ရေးထားတာပါ
အဟုတ် မထင်ကြပါနဲ့း)
"စပယ်ဖူးဖူး
ပန်းခူးသီသီ" ဆိုတဲ့ အစလေး ရတာနဲ့ အရှေ့ ဆက်လိုက်တား)

Monday, April 4, 2011

စောင့်ခဲ့ဖူးတယ်

Posted by လွတ်ငြိမ်းလေပြေ (breeze) at 10:40 PM 3 comments
စောင့်ခဲ့ဖူးတယ်
==========

မြေထဲမှာအနေကြာတဲ့ သစ်စေ့လေးဟာ
ဘယ်တော့များ ရွက်ဦးဝေမလဲလို့
စောင့်ခဲ့ဖူးတယ်

ပွင့်ရွက်တွေကြားက ပန်းဖူးလေးဟာ
ဘာအသွေးအရောင် ရှိမလဲလို့
စောင့်ခဲ့ဖူးတယ်

လိပ်ပြာငယ်လို အဝေးကို ပျံသန်းပြီး တစ်နှစ်အကြာ
အနက်ရောင်ကျူးလစ်ပန်းတွေ ပွင့်လာတဲ့အကြောင်း
ကျွန်မကို မပြောကြပါနဲ့


photo from http://itotd.com/articles/634/tulipomania/

Thursday, November 25, 2010

လွမ်းနေဆဲ မိန်းကလေး

Posted by လွတ်ငြိမ်းလေပြေ (breeze) at 11:19 PM 3 comments


လွမ်းနေဆဲ မိန်းကလေး
----------------------

အလွမ်းရာသီ
.........လွမ်းတာရှည်
ဘယ်ဆီမျှော်ဆ လွမ်းပါရ
မယ်သည် သောက ဝေဆဲပ

အလွမ်းရာသီ
.........လွမ်းပါသည်
ဝေရီမိုးည ပျယ်တော့မလား


*************************************************

ကဗျာ မရေးနိုင်တော့ဘူး ထင်နေတာ ၊ မမျှော်လင့်ဘဲ အစလေး တစ်ကြောင်း နှစ်ကြောင်း ခေါင်းထဲရောက်လာတာနဲ့း)

ပုံကို http://www.slowtrav.com ကနေ ယူထားပါတယ်

Tuesday, March 2, 2010

မင်းနဲ့တူတူ

Posted by လွတ်ငြိမ်းလေပြေ (breeze) at 9:42 PM 5 comments
မင်းနဲ့တူတူ
------------
မင်းနဲ့တူတူ
လုပ်ချင်တဲ့ ကိစ္စတွေ ရှိတယ်
ညစာအတူစားတာမျိုး...
ကမ်းခြေအတူသွားတာမျိုး...

မင်းနဲ့တူတူ
မျှယူချင်တဲ့ အရာတွေ ရှိတယ်
ပျော်ရွှင်ခြင်း ၊ မျှော်လင့်ခြင်း
အင်း... ဝမ်းနည်းခြင်း ရောပဲပေါ့


မနက်ခင်းမှာ အတူနိုးထချင်တယ်
အတူ လက်တွဲထားမယ်
အတူ အိုမင်းချင်တယ်
သေမင်းက ငါတို့ဝိဥာဉ်ကို နှုတ်မယူခင် အထိပေါ့ ။

လွတ်ငြိမ်းလေပြေ

Tuesday, February 2, 2010

Posted by လွတ်ငြိမ်းလေပြေ (breeze) at 12:21 PM 4 comments


photo source : ပုံထဲက web site address က အရမ်းသေးနေတော့ ဖတ်လို့မရဘူး၊
www.akholbrook.com လို့ထင်ပါတယ်

Sunday, December 20, 2009

စိတ်ကူးး)

Posted by လွတ်ငြိမ်းလေပြေ (breeze) at 10:09 PM 8 comments

လူစည်ကားရာလမ်းမကြီးတစ်လျှောက် မိန်းကလေးတစ်ယောက် လမ်းလျှောက်လာသည်
လက်ထဲက လိပ်စာကဒ်လေးကို ကိုင်ကာ နေရာတစ်ခုကို ရှာနေသလို
ခဏအကြာမှာ Sweet Memories လို့ အမည်တပ်ထားသည့် စားသောက်ဆိုင်လေးကို တွေ့တော့ သူပြုံးသွားသည် ၊ တွေ့ပြီ

*************************************************************************************************************************************

တံခါးလက်ကိုင်ကို တွန်းဖွင့်ဝင်လိုက်စဉ်မှာပင် ရင်းနှီးလွန်းသော ရနံ့တစ်ခုကို ရသည်
ဆိုင်ထဲကို မျက်လုံးအဝေ့....
အို ... ခေး အကြိုက်ဆုံး စံပယ်တွေ
ပြီးတော့ အပြုံးနဲ့ကြိုနေတဲ့ မောင်

ဆိုင်ထောင့်က တစ်လုံးတည်းသော စားပွဲလေးမှာ ထိုင်မိသည်ထိ ခေး အံ့သြမှုမပြေသေးပါ
ဆိုင်ထဲမှာ ဖွင့်ထားတာက ခေးတို့နှစ်ယောက်တူတူကြိုက်တဲ့ Boy Zone ရဲ့ When you say nothing at all သီချင်း
ဘေးက အလှပစ္စည်းတင် စင်လေးပေါ်မှာ မောင်နဲ့ခေးတို့ရဲ့ အမှတ်တရ ဓါတ်ပုံလေးတွေ

"မောင်က စိတ်ကူးကောင်းလိုက်တာ၊ ဒီလိုအပြင်အဆင်မျိုး မမြင်ဖူးသေးဘူး"
"ဒီဆိုင်က ကြိုပြီးငှားရတယ် ခေးရဲ့ ၊ သူတို့က ကိုယ့်အကြိုက်လေးတွေ မေးပြီး သေချာပြင်ဆင်ပေးတယ် ၊ ပြီးတော့ တစ်ချိန်မှာ customer တစ်ယောက်ပဲ လက်ခံတယ်လေ"
"ခေး ဆာပြီလား ၊ စားစရာတွေ လာချပေးဖို့ ပြောလိုက်တော့မယ် ၊ မောင်တို့အကြိုက် နန်းကြီးသုတ် မှာထားတယ် ၊ ပြီးတော့ ဘလက်ကော်ဖီ"

စားစရာတွေ လာချပေးတော့ ကျောင်းသားဘဝကို သတိရမိသည်
အဲဒီတုန်းက မောင်ကလည်း စားသောက်တိုင်း ပိုက်ဆံရှင်းချင် ၊ ခေးကလည်း မောင်ပိုက်ဆံကုန်မှာစိုးရိမ်နဲ့ ဘလက်ကော်ဖီတွေသာ သောက်ခဲ့ကြတာ တကယ့် အမှတ်တရ

''ဒီလို သေချာပြင်ဆင်ခိုင်းဖို့ဆို ဈေးတော့ နည်းနည်းကြီးမှာပေါ့နော် မောင်"
ခေးက တိုးတိုးမေးတော့ မောင်က "ကိုယ်တို့ဘဝရဲ့ အရေးကြီးတဲ့ နေ့အတွက် ဒီလောက်တော့ အကုန်ခံရမှာပေါ့" တဲ့
မောင်ကမ်းလာတဲ့ မင်္ဂလာလက်စွပ်လေးကို တွေ့လိုက်ရချိန်မှာတော့ ခေး အရာအားလုံးကို မေ့လောက်အောင် ပျော်ရွှင်သွားခဲ့ပါသည်

*************************************************************************************************************************************

ဒေါ်လေပြေတစ်ယောက် ဆိုင်အတွက် လိုအပ်သည်များကို တစ်မနက်လုံး ရှာဖွေ ဝယ်နေရသဖြင့် ဒီနေ့ ဆိုင်အရောက် နောက်ကျနေသည်။ သူက ဆိုင်ထဲသို့အဝင် ၊ ဆိုင်မှာ လာစားဟန်တူသည့်စုံတွဲလေးက ဆိုင်ထဲကအထွက် ကောင်မလေးပြောသွားသည့်စကားကြောင့် ပြုံးမိရသေးသည်။
"ဆိုင်ရှင်က သိပ်ချစ်တတ်မှာပဲနော် ၊ သူ့ချစ်သူတော့ သူလုပ်ပေးတဲ့ အမှတ်တရလေးတွေကြောင့် သိပ်ပျော်မှာပဲ"

ပျော်တတ်မှ ၊ ဝါသနာတူမှ ၊ အသက်မွေးဝမ်းကျောင်းမှုလည်း တူမှ ၊ တူရင်တောင် သူ့ထက် အများကြီးပိုတော်မှ ၊ အလုပ်ကြိုးစားလွန်းမှ၊ သူ့ကို တစ်သက်လုံး သစ္စာရှိမှ ၊ သူ့အပေါ် တောင်းဆိုမှုတွေ သိပ်မများမှ ၊ တကိုယ်ကောင်းမဆန်မှ ၊ သူ့ကို အရမ်းချစ်မှ ၊ သူ့ထက် အသက် မငယ်မှ ၊ လူကြီးတစ်ယောက်လို စိတ်ထား ရင့်ကျက်မှ ... စသည့် စသည့် စံများကြောင့် ဆိုင်ရှင်ခမျာ ခုထိ အပျိုကြီးဖြစ်နေကြောင်း ကောင်မလေး မသိရှာပေ ။

..........................................။............................................................................။....................................................

အစ်မဝါရဲ့ tag လေးကို စိတ်ကူးယဉ်ပြီး ရေးလိုက်ပါတယ်၊ သတိတရ tag တာ ကျေးဇူးပါ အစ်မဝါး)

photo source : http://media.photobucket.com/image/coffee%20love/Cyberpiba/Good%20Morning/Coffee%20Art/CoffeeLove2.jpg

Sunday, December 6, 2009

လမ်းမများအကြောင်း

Posted by လွတ်ငြိမ်းလေပြေ (breeze) at 2:33 PM 2 comments


လမ်းမများ ခေါ်ဆောင်ရာသို့ လိုက်ပါဖူးပါသလား
ချစ်သူရှိရာသို့ ပေါက်ရောက်သော လမ်းများ၊ ချမ်းသာကြွယ်ဝမှုသို့ သွားရာလမ်းများ ၊ အဆုံးမဲ့ ငြိမ်းချမ်းမှုသို့ ဆိုက်ရောက်ရာ လမ်းများ ၊ ... ...၊ ... ... ၊

အချို့လမ်းများမှာ အလှအပပြင်ပြီး သင်လျှောက်လာရန် ဆွဲဆောင်နေကြလိမ့်မည် ၊
အချို့လမ်းများမှာ မမြင်ရသော ထောင်ချောက်များ ၊
အချို့လမ်းများမှာ ပြောင်ပြောင်တင်းတင်း အတားအဆီးများ

အချို့လမ်းများမှာ ကျယ်သည် ၊ လွယ်သည် ၊ သို့သော် ငရဲသို့ သွားရာလမ်းများ
အချို့လမ်းများက စာပေကျမ်းဂန်တွေထဲကလို တစ်ယောက်သွားသာရုံ
အချို့က လူအများ လျှောက်သောလမ်း

အချို့လမ်းများက အဆင်သင့် ဖောက်ပြီးသား ၊ သင်လျှောက်သွားဖို့သာ လိုသည်
အချို့ကျတော့ သင်ကိုယ်တိုင် ထွင်ရမည့်လမ်း ၊

သင် လျှောက်နေသည်က တစ်လမ်း ၊ သင်လျှောက်ချင်သည်က တစ်လမ်းဆို သင် ဘယ်လိုလုပ်မလဲ
လျှောက်ချင်သည့်လမ်းကို သင်ကိုယ်တိုင် ဖောက်ရမည် ဆိုလျှင်ရော


- - - - - - - - - - - - - - - - - - - - - - - - - - - - - - - - - - - - - - - - - - - -

ချစ်သူရှိရာကို သွားဖို့ သတ္တိတွေ ခွန်အားတွေ ခံနိုင်ရည်တွေ ကျွန်မမှာ ရှိခဲ့ရင် ဘယ်လောက်ကောင်းမလဲ

- - - - - - - - - - - - - - - - - - - - - - - - - - - - - - - - - - - - - - - - - - - -

အခုတော့ သူက လမ်းအသစ်ကို လျှောက်တော့မည်

- - - - - - - - - - - - - - - - - - - - - - - - - - - - - - - - - - - - - - - - - - - -

ကမ္ဘာကြီးက လုံးနေသည် ဆိုသော်လည်း ၊ ကျွန်မက စောင့်နေမည်ဆိုလျှင်လည်း ၊ အတူလျှောက်ခဲ့သည့်လမ်းကို သူပြန်လာချင်မှ လာပေလိမ့်မည်

- - - - - - - - - - - - - - - - - - - - - - - - - - - - - - - - - - - - - - - - - - - -
 

လွတ်ငြိမ်းလေပြေ Template by Ipietoon Blogger Template | Gadget Review